«Гүлденген табиғат» тақырыбында «Бақ-бақ» тобының балалары өз қиялдарынан туған тамаша жұмыстарын жасап, табиғаттың сұлулығын бейнелей білді.
Әр баланың жұмысы — табиғатқа деген сүйіспеншілігі мен ішкі сезімінің көрінісі.
Балалардың шабытын оятып, шығармашылыққа жетелеген тәрбиешіміз Әбдіхалық Ақерке апайға алғысымыз шексіз!
«Шегіргүл» тобының балалары табиғаттың сұлулығын тамашалап, бірлесе еңбек етудің қуанышына бөленіп, таза ауада қызықты ойындарды үлкен қызығушылықпен ойнады.
Бүгін балабақшамызда балаларға арналған жазғы сауықтыру кеші өтті!
Көбік шашылып, музыка ойнап, балалар еркін билеп, ойнап, шынайы шаттыққа бөленді.
Бүлдіршіндеріміздің қуанышты күлкісі мен қуатқа толы ойыны – біз үшін ең үлкен марапат!
Осындай жарқын естеліктер олардың балалық шағын әсем етіп, жүректерінде сақталып қалады деп сенеміз.
Жаңа оқу жылынан бастап еліміздегі барлық білім беру ұйымдарында, соның ішінде жекеменшік мектептерде де тәрбие жұмысы «Адал азамат» атты біртұтас бағдарлама негізінде жүргізіледі. Бұл – бұрын жүзеге асырылған «Біртұтас тәрбие» тұжырымдамасының жалғасы, бірақ мазмұны жаңартылып, Мемлекет басшысының «Адал азамат – адал еңбек – адал табыс» идеологиялық қағидасымен үндестірілген.
Бағдарламаның үйлестірушісі Ы. Алтынсарин атындағы ҰБА мәліметінше, ҚР Оқу-ағарту министрлігінің 2025 жылғы 26 мамырдағы №123 бұйрығымен ресми түрде жаңа атауы бекітілген. Оның мақсаты – адал, еңбекқор, елжанды азаматтар тәрбиелеу. Тәрбие жүйесі жалпыұлттық құндылықтарға негізделіп, мектеп, ата-ана және қоғам арасындағы байланысты нығайтуға бағытталады.
Алғаш рет бұл бағдарлама жекеменшік мектептер үшін де міндетті болмақ. Бұл тәрбие жұмысының ел көлемінде бірізді стандартпен жүргізілуіне және барлық оқушылар үшін тең орта қалыптастыруына мүмкіндік береді.
Барлық мектептер үшін бірыңғай визуалды стандарт – брендбук әзірленеді. Мектептің ішкі және сыртқы келбеті ұлттық тәрбиелік құндылықтар мен мәдениетті бейнелейтін ортаға айналады.
