Жиналыста жаңа оқу жылындағы жоспарлармен таныстырылып, ата-аналарға топтың тәрбие-білім беру жұмыстары жөнінде ақпарат берілді. Балаларымыздың жарқын болашағы үшін бірлесе жұмыс жасаймыз деген сенімдеміз.
Ата-аналар комиссия жұмысына қатысып, мәзір мен тағам сапасына қанағаттанды.
Асхана қызметкерлері барлық ата-аналарға тағамдардың дайындалу барысын түсіндіріп, көрсетіп берді.
12.09.2025 ж.
Біздің «Гүлдер» балабақшасында Тілдер мерекесі ерекше көңіл-күйде аталып өтті.
Мерекелік шара барысында бүлдіршіндер әсем өлеңдер оқып, би билеп, ән шырқады. Олардың жүрекжарды өнері ана тілімізге деген сүйіспеншілікті айшықтап, көпшіліктің көңілін қуанышқа бөледі.
Бұл мереке – балаларға өз тілін қастерлеуді, басқа ұлттардың тілін құрметтеуді үйрететін тағылымды тәрбие сағаты болды.
Ұжымымыздың басты мақсаты – ұрпақ бойына ана тілімізді сүюді, оны қорғап, дамыта білуді дарыту.
Тіл – халық қазынасы, тіл – ұлттың жаны!
